Miara mandeha amin’Andriamanitra (tohiny 2)
![](https://i0.wp.com/131.153.37.2/~lalamasa/images/stories/mains-priere%20coupe.jpg)
2° — FIOMBONANA :
Raha miresaka fananana fiombonana amin’ i Kristy isika, izay tiana holazaina dia fiombonam-po. Rehefa mifampiresaka isika dia fo mankamin’ ny fo. Ny fisakaizana akaiky sy fifankazarana dia fiaraha-mandeha ara-panahy. « Ny firaisanay dia amin’ ny Ray sy amin’ i Jesosy Kristy Zanany ». I Jao. 1 : 3.
Marina ilay fitenenana hoe : « Raha miara-mandeha amin’ Andriamanitra ianao, tsy maintsy miresaka Aminy, fa raha tsy izany dia hitsahatra tsy hiara-mandeha Aminy ianao ». Tsy lafiny tokana ihany anefa ny firesahana. Tsy maintsy mihaino sy mivavaka ianao. « Izay manan-tsofina enti-mihaino, aoka izy hihaino ». Apo. 2 : 17. Misy sary mahavariana maneho io fiombonana lalina amin’ Andriamanitra sy ny Zanany io. « Ary Jehovah nanao hoe : Hafeniko amin’ i Abrahama va izay hataoko 7 » Gen. 18 : 17, ary etsy an-daniny kosa mandre ny Zanak’ Andriamanitra isika manao hoe : « Jehovah efa nanafina izany tamiko, fa tsy nanambara tamiko ». Miresaka amin’ Andriamanitra isika manambara Aminy ny tsiambaratelontsika, manokatra ny fontsika mihoatra noho izay ataontsika amin’ ny olona ety an-tany. Ary amim-pitiavana kosa no hamaliany antsika miaraka amin’ ny famindrampony sy hanazavany amintsika ny anton’ ny fahasoavany sy ny drafiny lehibe eo amin’ ny fiainantsika ary hamatsiany antsika fahasoavana ampy ho enti-mandroso.
hitohy …